២0 វិធីសាស្រ្តដើម្បីសម្រេចគោលដៅ

២0 វិធីសាស្រ្តដើម្បីសម្រេចគោលដៅ

1. កំណត់កន្លែងដែលជាប់គាំងនៅក្នុងជីវិតរបស់អ្នក, បោះជំហ៊ានទៅមុខដើម្បីដោះស្រាយវា។ សកម្មភាពគឺជាឪសថតែមួយគត់សម្រាប់ការភ័យខ្លាច។

2. អភិវឌ្ឍន៍ជំនាញអង្កេតរបស់អ្នកដោយចេញមកទីខាងក្រៅ ហើយមើលថាអ្នកជានរណា? តើអ្នកប្រទះជួបនឹងអ្វីខ្លះ? តើអ្នកចូលចិត្តនូវអ្វីដែលឃើញទេ? បើអ្នកមិនចូលចិត្តវាទេ, ផ្លាស់ប្ដូរឥរិយាបទរបស់អ្នក។

3. កត់សម្គាល់ចំណុចខ្លាំងបំផុតរបស់អ្នក ហើយត្រូវប្រាកដថា អ្នកប្រើចំណុចខ្លាំងរបស់អ្នក នៅក្នុងវិជ្ជាជីវៈរបស់អ្នក។ បើអ្នកធ្វើបាន វាទំនងដូចជាអ្នកបានរកឃើញមាគ៌ារបស់អ្នកហើយ។

4. ភ័យខ្លាចក្នុងការនិយាយមែនទេ? ការរៀបចំនិងការអនុវត្តន៍អាចជួយឲ្ យអ្នកសម្រេចបាននូវការនិយាយដ៏ល្អបំផុត។

5. ទទួលដំណេកឲ្យបានល្អនាពេលរាត្រី។ មិនត្រឹមតែដេក៨ម៉ោង ដើិម្បីរក្សាលំនឹងផ្លូវចិត្តប៉ុណ្ណោះទេ តែសម្រាកពេញមួយរាត្រីក៏អាចរក្សាកំលាំងរបស់អ្នកឲ្យមានផងដែរ។

6. សរសេរចុះដើម្បីសម្រេចបាន។ សរសេរគោលដៅ និងក្ដីសុបិន របស់អ្នកដើម្បីប្រកាសប្រាប់ខ្លួនអ្នកថា អ្នកបានបង្កើតកិច្ចការមួយសម្រាប់ជីវិតរបស់ខ្លួនឯងហើយ។

7. រក្សាសៀវភៅកំណត់ហេតុឲ្យនៅជាមួយអ្នកគ្រប់ពេលវេលា។ ប្រសិនបើអ្នកភ្ញាក់ឡើងម៉ោង៣ទៀបភ្លឺជាមួយនឹងគំនិតដ៍ល្អមួយ ត្រូវសរសេរវាចុះ។ សន្លឹកសៀវភៅកំណត់ហេតុទទេរអាចក្លាយ ជាសេចក្ដីសំណើរមួយសម្រាប់ខួរក្បាលរបស់អ្នកដើម្បីបង្កើតគំនិតថ្មីៗ។

8. គិតពីសភាវចងចាំជាទីចំណាប់អារម្មណ៍របស់អ្នក។ ខួរក្បាលរបស់អ្នកមិនអាចប្រើហូសហេតុពេកទេ ត្រូវឲ្យវាបានសម្រាកខ្លះដើម្បីបង្កើតគំនិតច្នៃប្រឌិត។

9. កុំសម្របតាមនៅពេលអ្នកមានអារម្មណ៍ខ្លាំងក្លាចំពោះអ្វីមួយ ពីព្រោះអារម្មណ៍បែបនេះអាចនឹងបាត់បង់ នៅពេលក្រោយមកទៀត។

10. បង្កើនចិត្តស្រឡាញ់ការសិក្សា មានតែការសិក្សាមួយគត់ ដែលអាច សម្រេចក្ដីសុបិនរបស់អ្នកបាន និងធ្វើអ្វីៗដែលអ្នកចង់ធ្វើ។

11.សសេរកំណត់ហេតុដោយដៃរបស់អ្នកទៅកាន់មនុស្សនៅក្នុងជីវិតរបស់អ្នកដែលអ្នកចង់ភ្ជាប់ទំនាក់ទំនងបំផុតដើម្បីបំបាត់ភាពឯកោនិងសាងទំនាក់ទំនង។

12. ប្ដូរផ្ដាច់ចំពោះក្ដីសុបិនរបស់អ្នក។ កុំភ័យខ្លាចសម្រាប់ ការលះបង់ប្រយោជន៍ផ្ទាល់ខ្ួនដើម្បីសម្រេចគោលដៅរបស់អ្នក។

13. ស្ដាប់អ្នកណែនាំ ហើយទទួលយកដំបូន្មាននិងពីប្រភពឯកសារ ដែលគួរជាទីទុកចិត្តសម្រាប់តម្រូវការរបស់អ្នក។

14. កំណត់កាលបរិច្ឆេទ ឲ្យបានច្បាស់សម្រាប់គោលដៅរបស់អ្នក ហើយអនុវត្តសកម្មភាពដើម្បីអាចសម្រេចនូវគោលដៅ។

15. មើលឲ្យច្បាស់ពីចំណុចចាប់ផ្ដើមនៅក្នុងចិត្តនិងផ្លូរដើររបស់អ្នក។

16. កន្លងផុតពីមួយទៅមួយថ្ងៃជារឿយៗត្រូវសួរខ្លួនឯងថា តើសកម្មភាពរបស់អ្នកកំពុងដំណើរការទៅមុខដើម្បីសម្រេចនូវគោលដៅរបស់អ្នកហើយឬនៅ?

17. កំណត់ផែនការប្រចាំថ្ងៃ មុនពេលកំណត់ផែនការប្រចាំសប្ដាហ៍។

18. ត្រូវដឹងឲ្យច្បាស់ថាបរាជ័យនាំឲ្យមានជោគជ័យ។ ហានិភ័យតែងកើតមានពេលកំពុងព្យាយាម។

19. កំណត់ដឹងបទពិសោទខាងផ្លូវចិត្តរបស់អ្នកឲ្យបានច្បាស់ដូចជា អារម្មណ៍ខ្ជិលច្រអូស ខកចិត្ត សោកស្ដាយ អស់សង្ឃឹម គ្មានចិត្តបន្តទៅមុខទៀត អស់កំលាំង ទាំងនេះសុទ្ធតែជាអារម្មណ៍ ដែលអ្នកនឹងទទួលបាន ក្នុងកំពុងពេលអ្នកដើរឆ្ពោះទៅរកគោលដៅ ហើយមិនត្រូវឲ្យអារម្មណ៍ ទាំងនេះនៅក្នុងខ្លួនអ្នកយូរពេកទេ។

20. រស់នៅក្នុងថ្ងៃនេះតើថ្ងៃនេះអ្នកបានធ្វើការដែលអ្នកបាន កំណត់រួចរាល់ហើយឬនៅ ? បើធ្វើរួចរាល់ហើយ ឈប់ខ្វល់រឿងពិភពលោក សម្រាកចុះ ដើម្បីថ្ងៃស្អែកបន្ដទៀត។